“НОМИН Холдинг” ХХК-тай хамтын ажиллагааны санамж бичигт гарын үсэг зурлаа.
hulan

БуХС-ийн оюутны эрдэм шинжилгээ судалгааны ажилд дэмжлэг үзүүлэх, оюутнуудыг дадлагажуулах, суралцагсадыг цагийн болон үндсэн ажлын байраар хангах, шилдэг оюутнуудад зориулсан тусгай төсөл хөтөлбөр дээр хамтран ажиллах зэрэг чиглэлээр бизнесийн сургуулийг зах зээлийн өнөөгийн шаардлагад нийцүүлэн хөгжүүлэх, “НОМИН Холдинг” ХХК-д оюутнуудыг дадлага хийлгэх замаар суралцагчдын дунд компанийг сурталчилах, компанийг чадварлаг хүний нөөцөөр хангах, компанийн бизнесийг тасралтгүй хөгжүүлэхэд  шаардлагатай сургалт судалгааг зохион байгуулах, төслийн менежментийн чиглэлээр ажилтнуудыг чадавхижуулахад дэмжлэг үзүүлэх, нийгмийн хариуцлагаа хэрэгжүүлэх зорилгоор өчигдөр буюу 2023 оны 1 дүгээр сарын 30-нд БуХС-ын захирал А.Энхбат, “НОМИН Холдинг ХХК-ийг төлөөлж Хүний Нөөц Бодлогын газрын Захирал Д.Отгонням нар ХАМТЫН АЖИЛЛАГААНЫ САНАМЖ БИЧИГТ гарын үсэг зурав.

Номин Холдинг нь бизнесийн ТАВАН чиглэлд:

  1. Борлуулалт Үйлчилгээний салбар
  2. Санхүү
  3. Импорт Экспорт Дистрибьюшн
  4. Технологи 
  5. Үйлдвэрлэл Инженерингийн бизнесд 29 салбар компанитайгаар үйл ажиллагаагаа тасралтгүй явуулдаг.

Талууд хамтын ажиллагааны хүрээнд дараах арга хэмжээг авч хэрэгжүүлнэ. Үүнд:

  • Бизнесийн байгууллагын эрэлт хэрэгцээ ба бизнесийн чиглэлээр төгсөгчдийн мэдлэг, ур чадварын нийцлийн талаар профессор, багш нарыг оролцуулсан уулзалт, лекцийг зохион байгуулах;
  • Бизнес, худалдааны чиглэлээр судалгаа хийх, хамтарсан эрдэм шинжилгээний хурал зохион байгуулах;
  • Бизнес, худалдааны салбарын хөгжилд хувь нэмэр оруулах төсөл санаачлах, хэрэгжүүлэхэд хамтран ажиллах;
  • Хоёр талын үйл ажиллагааг сурталчлах чиглэлээр талуудын үйл ажиллагааг дэмжиж ажиллах;
  • Бизнесийн сургуулийн оюутнуудын дадлагыг хөтөлбөрийн дагуу хийхэд  арга зүйн удирдлагаар хангаж хамтран ажиллах;
  • Сургалтанд зориулсан ном, сурах бичиг, гарын авлага бичих ажлыг хамтран гүйцэтгэх;
  • Компанийн ажилтнуудыг чадавхижуулах сургалт, мэргэжлийн чиглэлийн ур чадварыг үнэлэх;
  • Оюутны цагийн ажлын байраар хангах, цалинтай дадлага хийлгэх;
  • Төгсөгчдийг ажлын байраар хангах, туршлага солилцох;